Honda CB350 ભારતમાં લોન્ચ:10-વર્ષના વોરંટી પેકેજ સાથે OBD-2 એન્જિન, રોયલ એનફિલ ક્લાસિક 350ને આપશે ટક્કર

Honda Motorcycle and Scooter India (HMSI) એ ​​ભારતમાં નવી રેટ્રો ક્લાસિક બાઇક CB350 લૉન્ચ કરી છે. HMSI 2023 Honda CB350 મોટરસાઇકલ પર 10-વર્ષનું વૉરંટી પૅકેજ ઑફર કરી રહ્યું છે. જેમાં 3 વર્ષની સ્ટાન્ડર્ડ અને 7 વર્ષની વૈકલ્પિક વોરંટી શામેલ છે.

હોન્ડાએ આ મોટરસાઇકલને બે વેરિયન્ટ DLX અને DLX Proમાં રજૂ કરી છે. તેની શરૂઆતની એક્સ-શોરૂમ, દિલ્હી કિંમત 2 લાખ રૂપિયા છે. ગ્રાહકો તેમની નજીકની બિગવિંગ ડીલરશિપ પર નવી Honda CB350 બુક કરી શકે છે અને ડિલિવરી ટૂંક સમયમાં શરૂ થશે.

નવી Honda CB350: વેરિયન્ટ મુજબની કિંમત

નવી Honda CB350: રંગ વિકલ્પો અને ડિઝાઇન

બાઇકની ડિઝાઇન વિશે વાત કરીએ તો નવી CB350માં મસ્ક્યુલર ફ્યુઅલ ટાંકી અને ઓલ-એલઇડી લાઇટિંગ સેટઅપ છે. તેમાં રાઉન્ડ આકારનો LED હેડલેમ્પ, એક LED ટેલ લેમ્પ અને LED વિંકર્સનો સમાવેશ થાય છે. રેટ્રો મોટરસાઇકલમાં મેટલ ફેન્ડર્સ, ફ્રન્ટ ફોર્ક્સ માટે મેટાલિક કવર અને સ્પ્લિટ સીટ છે.

HMSI મેટાલિક અને મેટ કલર વિકલ્પોમાં નવી CB350 ઓફર કરી રહી છે. આ લિસ્ટમાં મેટ ક્રસ્ટ મેટાલિક, પર્લ ઇગ્નીયસ બ્લેક, પ્રેશિયસ રેડ મેટાલિક, મેટ માર્શલ ગ્રીન મેટાલિક અને મેટ ડ્યુન બ્રાઉનનો સમાવેશ થાય છે.

નવી હોન્ડા CB350: એન્જિન સ્પેક્સ

તદ્દન નવી Honda CB350 348.36cc એર-કૂલ્ડ, 4-સ્ટ્રોક, સિંગલ-સિલિન્ડર BS6 OBD2 અનુરૂપ PGM-FI એન્જિન દ્વારા સંચાલિત છે, જે 5-સ્પીડ ગિયરબોક્સ સાથે ટ્યુન છે. આ એન્જિન 5,500 આરપીએમ પર 21 એચપીનો પાવર અને 3,000 આરપીએમ પર 29.4 એનએમનો ટોર્ક જનરેટ કરે છે.

નવી હોન્ડા CB350: સસ્પેન્શન અને બ્રેકિંગ

Honda CB350માં મોટા-સેક્શનના ટેલિસ્કોપિક ફ્રન્ટ ફોર્ક્સ અને પ્રેશરાઇઝ્ડ નાઇટ્રોજન-ચાર્જ્ડ રિયર સસ્પેન્શન છે. બ્રેકિંગ માટે ફ્રન્ટ વ્હીલ પર 310 mm ડિસ્ક બ્રેક અને પાછળના ભાગમાં 240 mm ડિસ્ક બ્રેક્સ ઉપલબ્ધ છે. આ ઉપરાંત, મોટરસાઇકલ સ્ટાન્ડર્ડ ડ્યુઅલ-ચેનલ ABSથી સજ્જ છે.

નવી હોન્ડા CB350: સ્પેસિફિકેશન

નવી Honda CB350 રેટ્રો મોટરસાઇકલ હેરિટેજ-પ્રેરિત ડિજિટલ-એનાલોગ ઇન્સ્ટ્રુમેન્ટ ક્લસ્ટર સાથે સહાયક અને સ્લિપર ક્લચ, હોન્ડા સ્માર્ટફોન વોઇસ કંટ્રોલ સિસ્ટમ (HSVCS) અને હોન્ડા સિલેક્ટેબલ ટોર્ક કંટ્રોલ સિસ્ટમથી સજ્જ છે.

કંપનીનું કહેવું છે કે આ સિવાય તેમાં ઇમર્જન્સી સ્ટોપ સિગ્નલ ફીચર આપવામાં આવ્યું છે, અચાનક બ્રેક મારવાની સ્થિતિમાં પાછળથી આવતા વાહનોને જાણ કરે છે. બાઇકમાં 130-સેક્શન 18-ઇંચનું પાછળનું ટાયર છે, જે સવારી કરતી વખતે બાઇકને વિવિધ પરિસ્થિતિઓમાં રસ્તા પર સ્થિર રાખવામાં મદદ કરે છે.